O 20 e o 22 de abril viñeron Pepe e Elsa da Federación de tenis a promocionar un novo deporte chamado PICKLEBALL co alumnado de 5º e 6º curso de Primaria.
Foron unhas sesións moi divertidas!
Grazas por vir e esperemos que sexa o comezo de algo grande!
O vindeiro 16 de abril, o noso cole participa por quinta vez na celebración do “DÍA DA EDUCACIÓN FÍSICA NA RÚA”, unha xornada festiva e de convivencia para dar visibilidade a esta materia.
Este ano o lema é “MOVENDO CORPOS, CONECTANDO MENTES: A EF NUN MUNDO ATRAVESADO POLA TECNOLOXÍA”.
Non é un slogan, é unha declaración educativa. Nunha sociedade onde o movemento grávase, compártese e compárase constantemente, a EF ten a responsabilidade de ofrecer un espazo seguro onde o alumnado poida comprender o seu corpo sen presións externas. O #DEFR2026 convídanos a mostrar como a EF ensina a usar a tecnoloxía con criterio e a distinguir entre prácticas saudables e discursos baleiros, construíndo unha relación máis consciente coa actividade física. Sacar a EF á rúa e reivindicar que o movemento segue sendo unha experiencia humana, social e educativa tamén na era dixital.
Terá lugar no Parque da Infesta do pobo de Seixalbo ás 11:30h.
Ese día, todo o alumnado e os seus mestres baixaremos camiñando ao pobo, xuntándonos na Infesta onde terá lugar o acto (coreografías, xogos, promoción do exercicio físico…) que durará sobre unha hora e logo voltaremos andando tamén.
O alumnado virá vestido con pantalón negro cómodo, camiseta branca e deportivos, a modo de uniforme.
MOI IMPORTANTE: ESTADES TODOS/AS CONVIDADOS COMO PÚBLICO!!!! VÉMONOS ÁS 11:30H NA INFESTA!!!
O 25 de marzo os alumnos/as de 4º curso de Primaria foron convidados a unha actividade de PUMP-TRACK polo programa Xogade.
A escola Maese Riders tiña todo preparado para pasar unha mañá fantástica.
Ó principio costou un pouquiño pero logo pasámolo xenial dando voltas polo circuito.
Sen dúbida unha actividade inesquecible!!!!
Grazas a Antonio e a Rosa polo seu traballo e dedicación!
QUEREMOS MÁIS.....
Do 23 ó 27 de febreiro veu Pepe, en representación do CLUB BALONMÁN "CIDADE DAS BURGAS" de OURENSE a darnos unhas sesións sobre o seu deporte.
Foi moi interesante e divertido.
O alumnado pasouno fenomenal.
Aquí vos deixamos un vídeo cos mellores momentos.
Grazas e ata pronto!
O 3 de marzo de 2026 fomos a Expourense de novo, a realizar a actividade "XOGANDO AO ATLETISMO",esta vez categoría Benxamín.
Foron os alumnos/as de 2º de Primaria que levaban moitas gañas e o fixeron xenial!
Que bos momentos pasamos cos nosos compañeiros e compañeiras!
