VISITA CLUB HOCKEY ALBOR
O 26 de maio de 2022, pola mañá, dous monitores de Hockey visitaron ó Centro para facer unha sesión con 1º, 2º e 3º curso de Educación Primaria e dar a coñecer o seu deporte.
A maioría dos alumnos/as descoñecía este deporte, pero o primeiro contacto foi moi positivo. Gustoulles moito e de seguro algún deles xogará pronto a este deporte. Grazas pola visita!!!
XADREZ PARA OS ALUMNOS/AS DE 3º E 5º DE PRIMARIA
Elías, do Clube Xadrez Ourense asistiu ó noso Centro o 19 de maio para impartir unha sesión de Xadrez en 3º e outra en 5º de Primaria. Os alumnos/as xa tiveran contacto con este deporte e recordaron e aprenderon cousas novas e, sobre todo, volveron a emocionarse xogando.
Grazas pola visita Elías!
"PIRAGÜISMO DRAGÓNS"
O día 10 de maio de 2022 os alumnos/as de 6º curso foron a Castrelo de Miño a facer unha actividade chamada PIRAGÜISMO DRAGÓNS.
Os monitores eran fantásticos, repartiron ó alumnado en dúas embarcacións. Consistía en ir remando todos á vez ó ritmo do tambor. Pasámolo xenial!!!
Déixovos un vídeo coas fotos para que lembredes os momentos vividos.
ÉXITO ROTUNDO DO DÍA DA EDUCACIÓN FÍSICA NA RÚA 2022
DO CEIP DE SEIXALBO!!!
Dar as grazas aos alumnos/as que traballaron moitísimo para facer estas coreografías e decirlle que estamos moi orgullosos do seu traballo e que son fantásticos!
Tamén, a todas as persoas que fixeron posible este día co
seu traballo e dedicación.
Ao público que asistiu ó parque da Infesta, e, como non, ao pobo de Seixalbo que, xunto coa Asociación San Breixo, sempre está para
todo o que precisamos.
Para os que non puideron asistir, e para que os participantes se vexan as veces que queiran,deixovos as coreografías.
MANIFESTO
#DEFR
Por unha Educación
Física para toda a vida!
O día da Educación
Física na rúa (DEFR) é unha xornada festiva e de convivencia para poñer en
valor a Educación Física.
O alumnado e docentes
saímos ás prazas, parques e rúas dos nosos pobos, cidades e comunidades para
acercala a toda a cidadanía e mostrar ó conxunto da sociedade o que representa.
A Educación Física é
unha materia que promove espazos de benestar e aprendizaxe mediante o movemento
e as accións saudables, cívicas, participativas, cooperativas, inclusivas,
emocionais, creativas e expresivas nas que o esforzo e a autonomía son
fundamentais.
Por iso, podemos
afirmar que aínda que a súa base sexa física, motriz e corporal, a súa esencia,
é sen dúbida, educativa e social.
-
A Educación Física é unha
ferramenta fundamental para o desenvolvemento integral e integrador do
alumnado, que reporta beneficios físicos, psíquicos e sociais.
-
A Educación Física é un medio
idóneo para fomentar estilos de vida activos e saudables para rachar os elevados
índices de sedentarismo e obesidade.
-
A Educación Física ofrece un
inmellorable escenario de aprendizaxe persoal, social e cultural que permite
construír e desenvolver as actitudes e os valores necesarios para vivir e
convivir en sociedade.
Por todo iso, afirmamos
que a Educación Física debe ser un compoñente de primeira orde neste proceso de
renovación educativa e pedagóxica que vive a escola na actualidade. E por iso
seguiremos traballando, ata conseguir a súa presenza como ferramenta valiosa de
transformación e cohesión social.
Viva a Educación Física!!!
Dani preparou esta coreografía para bailar todos ao final do día da Educación Física na Rúa. A gozar e facer exercicio!!!
#DEFR2022
CELEBRACIÓN DO DÍA DA EDUCACIÓN FÍSICA NA RÚA
2022
O vindeiro 27 de abril, o noso cole participa
por primeira vez na celebración do “DÍA DA EDUCACIÓN FÍSICA NA RÚA”,
unha xornada festiva e de convivencia para facer visible o valor desta materia.
Terá lugar no Parque da
Infesta do pobo de Seixalbo ás 12h.
Ese día, todo o alumnado e os
seus mestres baixaremos camiñando ao pobo xuntándonos na Infesta onde terá
lugar o acto ( lectura do manifesto, coreografías, materiais reciclados,
promoción do exercicio físico…) que durará sobre unha hora e logo voltaremos
andando tamén.
O alumnado virá vestido con
pantalón negro cómodo, camiseta branca e deportivos, a modo de uniforme.
MOI IMPORTANTE: ESTADES
TODOS/AS CONVIDADOS/AS COMO PÚBLICO!!!! VÉMONOS ÁS 12H NA INFESTA!!!
ATENCIÓN! APLAZADA PARA O VENRES 29 DE ABRIL DE 2022 POLO MAL TEMPO
