BENVIDOS A UN NOVO CURSO XA SEN RESTRICCIÓNS!!! ESPERO QUE VOLTEMOS A AQUELAS CLASES DIVERTIDAS E EN GRUPO! E ADEMÁIS A PARTIR DE 4º DE PRIMARIA PODEDES USAR AS DUCHAS!!! 

ACTIVIDADE XOGADE: VISITA CLUB VOLEIBOL OURENSE

 O 27 de maio, os cursos de 4º e 5º de Primaria tiveron unha visita moi especial, unha sesión a cargo do Club Voleibol Ourense.

Os nenos/as pasárono moi ben e aprenderon moitas cousas prácticas sobre este deporte. Grazas por vir e esperamos vervos pronto!!!

Deixovos un vídeo de recordo.

ACTIVIDADE XOGADE: VISITA CLUB HOCKEY ALBOR

 VISITA CLUB HOCKEY ALBOR

O 26 de maio de 2022, pola mañá, dous monitores de Hockey visitaron ó Centro para facer unha sesión con 1º, 2º e 3º curso de Educación Primaria e dar a coñecer o seu deporte.

 A maioría dos alumnos/as descoñecía este deporte, pero o primeiro contacto foi moi positivo. Gustoulles moito e de seguro algún deles xogará pronto a este deporte. Grazas pola visita!!!

ACTIVIDADE DE XADREZ

 XADREZ PARA OS ALUMNOS/AS DE 3º E 5º DE PRIMARIA

Elías, do Clube Xadrez Ourense asistiu ó noso Centro o 19 de maio para impartir unha sesión de Xadrez en 3º e outra en 5º de Primaria. Os alumnos/as xa tiveran contacto con este deporte e recordaron e aprenderon cousas novas e, sobre todo, volveron a emocionarse xogando.

Grazas pola visita Elías! 

ACTIVIDADE XOGADE: PIRAGÜISMO DRAGÓNS

     "PIRAGÜISMO DRAGÓNS"

O día 10 de maio de 2022 os alumnos/as de 6º curso foron a Castrelo de Miño a facer unha actividade chamada PIRAGÜISMO DRAGÓNS.

Os monitores eran fantásticos, repartiron ó alumnado en dúas embarcacións. Consistía en ir remando todos á vez ó ritmo do tambor. Pasámolo xenial!!! 

Déixovos un vídeo coas fotos para que lembredes os momentos vividos.

 ÉXITO ROTUNDO DO DÍA DA EDUCACIÓN FÍSICA NA RÚA 2022 

DO CEIP DE SEIXALBO!!!

 Dar as grazas aos alumnos/as que traballaron moitísimo para facer estas coreografías e decirlle que estamos moi orgullosos do seu traballo e que son fantásticos!

Tamén, a todas as persoas que fixeron posible este día co seu traballo e dedicación.

 Ao público que asistiu ó parque da Infesta, e, como non, ao pobo de Seixalbo que, xunto coa Asociación San Breixo, sempre está para todo o que precisamos.

Para os que non puideron asistir, e para que os participantes se vexan as veces que queiran,deixovos as coreografías.

O ano que ven, máis e mellor!!!

MANIFESTO #DEFR

 

MANIFESTO #DEFR

Por unha Educación Física para toda a vida!

O día da Educación Física na rúa (DEFR) é unha xornada festiva e de convivencia para poñer en valor a Educación Física.

O alumnado e docentes saímos ás prazas, parques e rúas dos nosos pobos, cidades e comunidades para acercala a toda a cidadanía e mostrar ó conxunto da sociedade o que representa.

A Educación Física é unha materia que promove espazos de benestar e aprendizaxe mediante o movemento e as accións saudables, cívicas, participativas, cooperativas, inclusivas, emocionais, creativas e expresivas nas que o esforzo e a autonomía son fundamentais.

Por iso, podemos afirmar que aínda que a súa base sexa física, motriz e corporal, a súa esencia, é sen dúbida, educativa e social.

-       A Educación Física é unha ferramenta fundamental para o desenvolvemento integral e integrador do alumnado, que reporta beneficios físicos, psíquicos e sociais.

-       A Educación Física é un medio idóneo para fomentar estilos de vida activos e saudables para rachar os elevados índices de sedentarismo e obesidade.

-       A Educación Física ofrece un inmellorable escenario de aprendizaxe persoal, social e cultural que permite construír e desenvolver as actitudes e os valores necesarios para vivir e convivir en sociedade.

Por todo iso, afirmamos que a Educación Física debe ser un compoñente de primeira orde neste proceso de renovación educativa e pedagóxica que vive a escola na actualidade. E por iso seguiremos traballando, ata conseguir a súa presenza como ferramenta valiosa de transformación e cohesión social.

Viva a Educación  Física!!!