RETOS PARA CADA DÍA

O obxectivo deste entrada non é darvos máis información da que xa temos, pois é un continuo goteo de datos, consellos, propostas, recomendacións que vemos diariamente desde diferentes fontes de información como son os medios de comunicación, dispositivos dixitais, redes sociais, whatsapp...

O que quero é unir forzas para crear a mellor VACINA para derrotar ó virus canto antes e que todo volva á normalidade no menor tempo posible, para iso, temos que QUEDARNOS NA CASA, en familia. Dentro do noso fogar temos todos os recursos necesarios para seguir o noso plan de vida saudable e manternos en forma tanto física como mentalmente.

Realiza todo tipo de actividade física que poidas dentro da casa, se tes acceso a internet podes seguir unha clase virtual ou ver algún vídeo que che guste. Non descuides a saúde mental, polo que podes xogar ó xadrez, facer crebacabezas, resolver acertixos  ou problemas lóxico-matemáticos...

Propóñovos unha serie de retos diarios realizados por tres mestres de Educación Física para que o día a día se vos faga máis divertido e enriquecedor, por suposto son optativos.

A presentación divídese en diferentes apartados que teredes que realizar: MÓVETE (actividade física), CREA (reciclaxe e desenvolvemento sostible) e RETOS EN FAMILIA.

Espero que estas actividades vos axuden a pasar cun sorriso estes días na casa mentres nos mantemos activos e en forma mellorando a nosa saúde e compartindo tempo en familia.

Teño moitas ganas de vervos e bótovos moito de menos.

Biquiños virtuais para tod@s!