PROGRAMA XOGADE 2024-2025: XOGANDO AO ATLETISMO ALEVÍN

 O 12 de decembro de 2024 os alumnos/as de 4º curso de Educación Primaria asistiron a Expourense ao evento "Xogando ao Atletismo".

Coma sempre moi ben organizado e os nenos/as pasárono moi ben!

Velaí o video dalgúns momentos da actividade.

PROGRAMA XOGADE 2024-2025: CAMPIONATO PROVINCIAL DE CROS ESCOLAR

 O sábado 14 de decembro de 2024, no Hipódromo de Antela tivo lugar o Campionato Provincial de Cros Escolar.

O noso representante foi Mauro Rodríguez Fernández e quedou no décimo cuarto posto.

Grazas a él e a súa familia por acompañalo.

Estamos moi orgullosos de ti!!!

NORABOA!!!

OBRADOIRO DE XOGOS POPULARES XAQUÍN LOURENZO "XOCAS" DECEMBRO 2024

 Os días 4 e 11 de decembro de 2024, os alumnos/as de 6º curso tiveron unha visita moi esperada, a de Lito, cos seus xogos populares do Obradoiro de Xaquín Lourenzo "Xocas"da Deputación de Ourense.

Este ano escollemos "A Billarda" e "Xogos Bailados". 

Sempre nos sorprende e nos divirte cos seus enredos e xogos.

Grazas coma sempre por vir! 

Disfrutámolo moito!

PROGRAMA XOGADE 2024-2025: CROS MONTERREI FASE COMARCAL 23 DE NOVEMBRO

 O alumno Mauro Rodríguez Fernández de 3º de Primaria foi o único clasificado entre os 6 primeiros no cros anterior polo que o sábado 23 de novembro foi á fase comarcal.

QUEDOU NO SÉPTIMO POSTO NA CLASIFICACIÓN! NORABOA E GRAZAS POR REPRESENTAR Ó CENTRO NESTE EVENTO DEPORTIVO!

PROGRAMA XOGADE 2024-2025: "COÑECE O MEU CLUB": FÚTBOL GAÉLICO

 Os días 28,29,30 de outubro e 5,7,8 de novembro viñeron os adestradores de FÚTBOL GAÉLICO a impartir dúas sesións nos cursos de 4º,5º e 6º de Educación Primaria.

A actividade consistiu nunha primeira toma de contacto con este deporte e foi moi interesante para todos.

Grazas Mariví, como coordinadora e aos outros adestradores polo voso traballo, e como non á ANPA do cole por facer de intermediaria na actividade.

Animádevos a apuntarvos ós venres como extraescolar no Centro!!!! 

PROGRAMA XOGADE 2024-2025: CROS MONTERREI

 Participamos no Cros Escolar de Monterrei organizado polo Deporte Escolar.

Celebrouse os días 13 e 14 de novembro de 2024.

O día 13 de novembro foi a competición Benxamín-Alevín e foron os alumnos/as de 2º, 3º e 5º de Educación Primaria. 

O día 14 de novembro foi a competición Infantil e Cadete e asistiron os alumnos/as de 6º de Educación Primaria.

Quedan para o recordo os mellores momentos!!!!

ANDAINA POLA CONTORNA PARA CELEBRAR O MAGOSTO

 O 8 de novembro, venres, fixemos unha andaina arredor do cole. Os nenos/as de Educación Infantil, 1º e 2º de Primaria fixeron un percorrido de 1,2 km e de 3º a 6º de Primaria de 2,3km.

Pasámolo xenial facendo un pouco de exercicio e respirando aire puro!

Ó chegar quedamos no patio e comemos castañas asadas...qué ricas!!!!

VISITA CLUB HOCKEY BARROCÁS 2024

 Esta semana (7-11outubro) as nenas e nenos de 6º de Educación Infantil, 1ºA e 1ºB, tiveron a sorte de coñecer e por en práctica un deporte pouco coñecido como é o hockey sala. Moitas grazas ao Club Hockey Barrocás  por amosárnolo.

       

                                                                   MAITE                                   

BENVIDOS A UN NOVO CURSO!!!

Dámoslle a benvida tamén a Maite, a mestra que impartirá as clases de Psicomotricidade en Educación Infantil e Educación Física en 1º e 2º de Educación Primaria, esperamos que te sintas como na casa.

                                                                                               CEIP SEIXALBO CURSO 2024-2025

PROXECTO COMPETENCIAL 5º E 6º DE PRIMARIA: "COÑECE SEIXALBO"

 

Este ano na asignatura de Proxecto Competencial decidimos en 5º e 6º de Primaria  facer o seguinte proxecto: “COÑECE SEIXALBO”.

 Elaboramos un roteiro por Seixalbo traballando os lugares máis coñecidos: O Parque da Infesta, Praza Maior, Igrexa de San Breixo, Praza do Cabildo...

 As festas: O entroido, os Foros...

Clube Deportivo Seixalbo.

A gastronomía.

Elaboración de carteis coa palabra Seixalbo.

Sopas de letras con palabras relacionadas con Seixalbo.

Coñecemento do Premio Freire Carril e elaboración de traballos sobre os homenaxeados cada ano ata agora.

Benposta, cidade dos Muchachos...

 Os alumnos/as estiveron moi motivados  por aprender aspectos sobre Seixalbo. Resultoulle moi interesante.

A final de curso baixamos a Seixalbo de excursión a facer o roteiro que traballamos na clase, tivemos a axuda de Manuel Herminio da Asociación Agromadas que nos fixo de guía maxistralmente. Fixemos unha exposición con todos os traballos no Centro que visitaron os alumnos/as, mestres e familias.

Ó finalizar o curso escolar baixamos os traballos e os colocamos na rúa da  Asociación Agromadas e  San Breixo coa axuda de  Chus, José Manuel e Manuel Herminio. Quedarán expostos durante a festa dos foros para que os vexan os veciños.

Grazas a todos polo voso traballo e implicación!

OBRADOIRO DE XOGOS POPULARES XAQUÍN LOURENZO "XOCAS"

O noso agradecemento a Lito por vir, un ano máis, a Seixalbo cos alumnos/as de 6º de E.P para dar a coñecer a nosa cultura popular a través dos xogos.

Este ano, os días 21 e 27 de maio tocou xogar á chave, á rá e á porca, ademáis de enredos e xogos que encandilaron ós nosos rapaces e rapazas.

Profesionalidade, dedicación e experiencia!!!

Un pracer traballar con él sempre. 

LEMBRANZAS DO DÍA DA EDUCACIÓN FÍSICA NA RÚA 2024

GRAZAS A TODOS OS QUE PARTICIPÁCHEDES NESTE DÍA!!!!

SAÍMOS EN TELEMIÑO NO XORNAL ESCOLAR A 27.04.24

PROGRAMA XOGADE 2023-2024: DEPORTE DE ORIENTACIÓN 6º PRIMARIA

 XORNADA DE INICIACIÓN AO DEPORTE DE ORIENTACIÓN 6º E.P.

O 24 de abril de 2024 os alumnos/as de 6º de E.P asistiron a unha proba de orientación en Ribadavia.

Máis concretamente na Área Recreativa A Veronza. Noraboa aos organizadores deste evento porque estivo xenial!!!

A maioría nunca tiveran contacto con este deporte e quedaron moi sorprendidos, sobre todo co plano e as pulseiras para pasar as diferentes balizas. Esperemos que o repitan máis veces e que nós poidamos asistir.

PROGRAMA XOGADE 2023-2024: VISITA CAMPUS RUGBY OURENSE

 CAMPUS RUGBY OURENSE

Os días 3 e 4 de abril, os alumnos/as de 3º e 4º de Primaria tiveron unha sesión con Yago, da escola  CAMPUS RUGBY OURENSE.  Fixeron xogos e actividades para coñecer este deporte. Pasárono moi  ben, a ver se alguen se apunta o ano que ven!

Grazas Yago!

CELEBRACIÓN DO DÍA DA EDUCACIÓN FÍSICA NA RÚA 2024

 FESTA NO PARQUE DA INFESTA!!!!

A Comunidade Educativa do CEIP de Seixalbo montamos unha gran festa para celebrar o Día da Educación Física na Rúa 2024.

Unha andaina para comezar e logo actividades e coreografías das que disfrutaron todos os veciños e familiares.

Ademáis o baile sorpresa final no que participamos TODOOOOS! 

Deixovos os videos por cursos para que os vexades cantas veces queirades!

DÍA DA EDUCACIÓN FÍSICA NA RÚA 2024

 CELEBRACIÓN DÍA DA EDUCACIÓN FÍSICA NA RÚA 2024

O  vindeiro 17 de abril, o noso cole participa por terceira vez na celebración do “DÍA DA EDUCACIÓN FÍSICA NA RÚA”, unha xornada festiva e de convivencia para facer visible o valor desta materia.

Este ano o lema é Educación Física e Saúde Mental que busca impulsar e reivindicar a importancia da actividade física para facilitar un equilibrio emocional entre os alumnos/as.

Terá lugar no Parque da Infesta do pobo de Seixalbo ás 12h.

Ese día, todo o alumnado e os seus mestres baixaremos camiñando ao pobo xuntándonos na Infesta onde terá lugar o acto (coreografías, xogos, promoción do exercicio físico…) que durará sobre unha hora e logo voltaremos andando tamén.

O alumnado virá vestido con pantalón negro cómodo, camiseta branca e deportivos, a modo de uniforme.

MOI IMPORTANTE: ESTADES TODOS/AS CONVIDADOS COMO PÚBLICO!!!! VÉMONOS ÁS 12H NA INFESTA!!!

 

PROGRAMA XOGADE 2023-2024: ACTIVIDADE DE PROMOCIÓN DE PUMP-TRACK.

O  día 29 de febreiro asistimos a unha actividade de promoción do PUMP-TRACK en Monterrei cos alumnos/as de 5º de Primaria. Foi unha experiencia moi divertida e un reto persoal para moitos.

Aínda que o tempo non axudou gozamos moito da actividade. Grazas á escola MAESE BIKE!!

PROGRAMA XOGADE 2023-2024: XOGANDO AO ATLETISMO BENXAMÍN

 O 22 de febreiro tocoulle o turno aos alumnos/as de 2º curso de Educación Primaria e foron a actividade "Xogando ao Atletismo" a Expourense.

Esta vez estaban os xuíces da Federación de Atletismo, saltaron na pista de area e fixeron o Grand Prix!

Deixovos o vídeo para recordalo.